Mae mis Tachwedd 2022 yn gweld Yr Awr Gymraeg yn cyrraedd carreg filltir nodweddiadol. Eleni mae’r Awr yn dathlu ei ben-blwydd yn deng mlwydd oed.
Am 8 o’r gloch ar yr 21ain o Dachwedd 2022 dechreuodd yr awr gyntaf o dros 500 erbyn hyn.
Awr wythnosol pob nos Fercher rhwng 8 a 9 ar Twitter oedd Yr Awr Gymraeg yn wreiddiol gan ddefnyddio’r hashnod #yrawrgymraeg. Ar y pryd 140 llythyren oedd uchafswm neges ar Twitter felly crëwyd y talfyriad #yagym Yr Awr GYMraeg er mwyn rhyddhau mwy o le ar gyfer negeseuon. Yn 2017 fe gododd yr uchafswm i 280.
Mae’r Awr Gymraeg bellach wedi ymestyn tu hwnt i’r awr pob nos Fercher am 8 ag yn rhannu negeseuon sy’n defnyddio’r hashnod #yagym 365 dydd y flwyddyn, bore, pnawn a nos.
Ond mae’r oes a’r amser wedi symud yn ei flaen ac mae llwyfannau fel Facebook, Instagram a TikTok yn gartrefi gwych ar gyfer hyrwyddo a marchnata.
Bydd Yr Awr Gymraeg felly yn ymestyn gweithgaredd tu hwnt i Twitter ag yn rhannu fwy o gynnwys i’r llwyfannau hyn. Cofiwch fod modd defnyddio’r hashnod #yagym ar draws y pedwar llwyfan.
Mae ein cyfrif Twitter, sydd bellach gyda dros 14,000 o ddilynwyr ag yn cyrraedd dros 700,000 o gyfrifon Twitter pob wythnos yma:
https://www.twitter.com/yrawrgymraeg/
Rydym eisoes ar Facebook
https://www.facebook.com/YrAwrGymraeg/
ag Instagram
https://www.instagram.com/yrawrgymraeg/
Mae ein cyfrif TikTok newydd ei greu
https://www.tiktok.com/@yrawrgymraeg
Hoffech chi gyrraedd mwy o bobol gyda gwybodaeth am eich cynnyrch, gwasanaethau neu ddigwyddiad?
Gallwn helpu chi i greu cynnwys gweledol a fideo proffesiynol ar gyfer y llwyfannau hyn, gallwn helpu chi greu strategaeth hyrwyddo marchnata ar gyfer y cyfryngau cymdeithasol.
Os hoffech chi ddysgu mwy, danfonwch e-bost at huw@yagym.cymru heddiw.
Cymraeg 
English (UK)